ബാലുശ്ശേരി: വയനാട്ടിലെ ഉരുൾപൊട്ടലിൽ ഒറ്റപ്പെട്ടു പോയവർക്ക് കൈത്താങ്ങാകാൻ കോഴിക്കോട്ടെ സ്വകാര്യബസുകളും. മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ഫണ്ട് ശേഖരണാർഥമാണ് നാളെ ജില്ലയിൽ സ്വകാര്യബസുകൾ സർവീസ് നടത്തുക. കലക്ടർ സ്നേഹിൽ കുമാർ സിങ് സിവിൽ സ്‌റ്റേഷന് മുൻപിൽ സർവീസ് ഉദ്ഘാടനം ചെയ്യുമെന്ന് പ്രൈവറ്റ് ബസ് ഓപ്പറേറ്റേഴ്സ‌് ഫെഡറേഷൻ പ്രസിഡന്റ് കെ.ടി വാസുദേവൻ, ജനറൽ സെക്രട്ടറി ടി.കെ ബീരാൻ കോയ എന്നിവർ പറഞ്ഞു.